
Dammerls Buidog
Da Dammerl is a oafacha Buah. Genau so langsam wia sei Birn is a sei Polizei Buidog. Und des Teil stinkt sauba hintn naus, schwoaza Quoim. Wenn des Teil ohrumpet, san die Vabrecha scho vom Gestank am Bodn, hahahahaha.

Heirodsvadrog
Da Biagamoasta hod den Vadrog in seina Stubn scho fertig am Disch liegn ghobt. Da Depp, hahahahahaha. Dann homm Ih, da Brosi und des Bummerl den Zipfeh sauba zoagt wea in Brummskirchn de Gwoit hod. Des kennts Iah ois im Fideo “Die Frau” ohschaugn

Gschaftlawogn
Schaugts Eich des Teil amoi gscheid oh. Da elendige Biagamoasta hod oan auf Dicke Hosn gmochd. Mit dem Brumma is ea imma im Doaf ummanandgfohrn und hod rumgschaftlt. Am End hod des Bummerl im Fideo “Der Stier” des Fehikl zammagstutzt. Dabei is rauskehma doss de boarische Fahna nua a draufklebte Deckn wor. Mei Oh Mei! Mehr Schein als Sein beim deppatn Biagamoasta

Biagamoastas Mastaplan
Da Biagamoasta war so bled sein Diebesplan im Fideo “Der Stier” auf a Amtsbapier zum schreibn. So deppat ko ma eigentlich goar ned sei. Und am End is sei “Mastaplan” sauba ins Hosn ganga, hahahahahaha.

Soachbräu Dosn
Da muass ma ned vui sogn. Des greislige Bier aus Soachen, aba olle saufns wia Wossa. De Thuris Heinz und Hugo speibn des Zeig im Fideo “Walla Walla” ins Wossa vom Säh

Fegahne Wurscht
Des wor des Schlimmste wos ih in meim gonzn Lebn gessn hob. Im Liad “Würste Der Hölle“(koa Fideo) hob i aus vasehn de Würscht eipackt und dann des SB Terminal mid mein Stog zu Klump ghaun weils so vui Piept hod – des dreckate Teil. Do is a neia Eikaffa Lodn in Brumskirchn do mid dem neimodischn Zeig – Zefix!. De Würscht hom noch feichte Bamm und greisligm Oarsch gschmeckt – Pfudeife!

Geidmaschin
Mid dea Maschin hom da Schorsch und da Biagamoasta im Fideo “Die Geisterstunde” frira des Geid im Stadl vom Hans druckd. Da Hans hod daffoh nix gwussd. Heid stähd des Ding irgendwo in a Kamma vom LKA oda so wos. De Deppn hom aba ned gmerkt doss da koane Mark nauskehma san, sondas nix vo Wert, schaugts Eich des amoi genau oh, hahahahaha.

Ranzel T3
Mid dem oreiding Kahn san de beidn Mihis aus Deitz im “Leberkas” Fideo zum Musispuin aufn Doafplatz gfahrn. Da drin ranzelts greislig und ois schimmet scho unta de oidn Sitz. Aba ohne so a Fehikel koa gscheide Band! So is des hoid! Schaugts Eich amoi des Kennzeichn oh. Zwoamoi M füah Mihi und Mihi

Schorschs Höllentrank
Des san de Flaschn, de da Schorsch nimmd um sein schwarzbrennts Brommbeerbluad in da Gruam neizumfüihn. Des Zeig hod locka 60 Wolumenbrozent und mochd jeds Stüberl sauber laar. Bassd guad zu den Brunzbislern im Doaf. Im Fideo “Leberkas” kennst Iah schaugn wos des Zeig mid am Harri gmochd hod. Im Fideo “Die Grube” kennsts Iah schaugn woher des Zeig kimmd. Ois da Schorsch im Gfängnis wor, nach der Gschicht mid da Geidmaschin, hom de Leid hoid an ondan Fusl gsoffn.

Geidsack
Des wor da Sack, den Ih in da “Geisterstunde” im oidn Brunnen gfundn hob. Und am End wor des da Beweis, doss da Biagamoasta si vazeddlt hod ois ea noch Schorschs Aufaucha im “Bösen Georg” noch dem oidn Geid gsuachd hod. So hod des Dammerl koa onde Woih ghobt ois den greislign Biagamoasta ins Zuchdheisl zum sperrn. Ih hob so glochd ois i neigschaugd hob. Des Zeig wor ewig im Wossa gleng und scho frira nix wert. Jezad wors nua a Klumpn Zeihstoff, hahahahaha.

Thurikahn
Ranzligs Boot wo da Hugo und da Heinz im Fideo “Walla Walla” aufm Säh rumgfohrn san. De hom se so schlimm aufgfiehrt: Dosn ins Wossa gschmissn, Soachbräu ins Wossa gschpiem und de Rosi bläd ohgmacht. Da vo meim Fluach gruafane Walla hod dem a End gsetzt. Da Valeih Soachen hod extra gschriebn “Nur ned nei Soachen”, des hod de asslign Thuris aba ned gjuckt.

Mei Kahn
Is dehs ned schee? I mog mei Paddlboot, imma gscheid ohgmoit und sauba in Schuss. Mim Hias paddel ih abunzua amoi am Säh ummanand und genieß de Ruah. Beim “Walla Walla” wor aba kei Ruah, de Preißn hom den gonzn Dog ruiniert.

Boarische Lichtmaschin
Hahahahahahahaha, ois ih ind Gruam neigfoin – und sauba aufm Kopf aufgschlogn – bin hob ih gscheid drammt. De Brennerei vom Schorsch wor riesig und ih hob dann de Lichtmaschin gfund und eigschoitn. Donn sann de ganzn Lampn ohganga und boarischer Mech hod mi ohgriffn. Mei Birn hod duach den Sturz echd sauba wos obgriagt. Den Dramm kennts Iah im Fideo “Die Grube” ohschaugn

BROS IT Porsche
De Rosi und da Brosi hom ja de IT Bude in Minga. Des is erna Karre. Mid dea fohrns im Fideo “Die Frau” noch Brummskirchn. Schee aba nix füa mi. I fohr ned mim Auto sondan geh imma mid meine Fiass. Und ois ih amoi ind Stohd kehma soit, im Liad “Der Schlauch“, bin ih mid da Bahn gfahrn. Des wor greislig, nua vui Leid und olle am Rotzn. Do hob ih doch glei d Notbremsn zogn und bin daffoh glaffa, hahahaha. Aber zerst hob ih de Massn an Leid mid meim Seppesduft dazua bracht den Weg zramma doss ih an den Hebe kumm.

Schorschs Destiliermaschin
Mid dem Trumm mochd da Schorsch in da Gruam sein Schnaps aus de Brombeern, de oben drüba wachsn. In meim Dramm wor de Maschin vui gressa ois se dann wirklich wor. De Antn is so deppat, hahahaha. Bassd aba zum Schorsch denn i hob gseng doss ea in seim Gartn nua so Zeig baud hod. Is a richtiga Künstla da Schorsch – Und a Vabrecha, hahahaha

Ope Vectra 2.0 Turbo – LPG
Da Dramm vo jedm Schrauba. Da Hackl hod de Karre voam Doud grettet. Da Hackl is ned nua Lebakahssemmespezialist sonda a a Mechanika. Deswegn lebd die Dosn no. A guade Maschin, zeitlos, oana da letzen echtn Open. Da Ope hod frira amoi dem Dramma Mihi ghert, aba dea is koa Mechanika. Im Fideo “Leberkas” kennts Iah den Ope ohschaugn

Schorschs Bollawogn
Mid dem greislign Teil hoit da Schorsch de Schnapsflaschn ausm Woid und vateilt se bei seine Dihla, dem Bartl und dem Pfarra Flori

Boarischa Mech
Des is des oreidige Viech des mi in meim Dramm in da Gruam ohgriffa hod. Dageng bin i a gloana Wurm. Hob mi scho vateidigt aba am End hob ih a Fernbedienung gfundn mid nua oam roudn Gnopf. Des Teil hod den Mech sauba gschprengt, hahahaha. Hos bärig gscheppert ois ea an Bodn gracht is. Des lustige is doss da Schorsch so a Statue in seim Gartn hod. Die hob ih an dem Dog gseng und des hod mei Untabwustsein schtimuliert. Lustig is ah, dass da Schorsch ah “Da Doud” auf seina Jackn drauf hod. Bassd ois zamm.

Killswitsch füan Mech
Mid dem lustign Teil hob ih in meim Dramm an Mech gsprengt. I hob koan Schimma wos des ois soi!!!! Wea mochd a Fernbedienung mid nua oam Knopf und legts auf an Dihsch mid Goidmünzn drauf. Aba wenn ma drammt is ois möglich! Des Teil wor da “Not Aus” für des Viech.
